- ५ असार २०८३, शुक्रबार / Jun 19, 2026
काठमाडौं, ८ असोज । अमेरिकी राष्ट्रपति डोनाल्ड ट्रम्पले रुसले कब्जा गरेका सम्पूर्ण भू–भाग युक्रेनले फिर्ता लिन सक्ने बताएका छन्। यो ट्रम्पको युक्रेनप्रति धारणा परिवर्तनका रूपमा हेरिएको छ।
संयुक्त राष्ट्रसंघ महासभामा युक्रेनी राष्ट्रपति भोलोदिमिर जेलिन्स्कीको साथमा भेटघाटपछि ट्रम्पले सामाजिक सञ्जालमा लेख्दै, युरोप र नाटोको सहयोगमा युक्रेन आफ्नो मूल सीमासम्म फर्किन सक्ने बताएका हुन्।
यसअघि ट्रम्पले युक्रेनले केही भू–भाग सम्झौतामा गर्नुपर्ने बताउँदै आएका थिए। महासभामा भाषण दिंदै उनले रुसको लामो युद्धलाई “कागजी बाघ” संज्ञा दिएका र यूरोपलाई रूसी तेल–ग्यास खरिद पूर्णरूपमा रोक्न आग्रह गरेका थिए।
जेलिन्स्कीले ट्रम्पको समर्थनलाई “गेम चेन्जर” भनेका छन्। यसैगरी, फ्रान्सका राष्ट्रपति इमानुएल माक्रोंले पनि अमेरिकाको नयाँ समर्थनलाई स्वागत गरेका छन्।
