सडक डिभिजन भरतपुर : अपरेटरहरूले ठुलो जोखिम मोलेर तुइनखोलाको पहिरो पन्छाए

मुख्य बुँदा

मुग्लिन–नारायणघाट सडक खण्डमा तुइनखोलामा पटक–पटक पहिरो

करिब १०५ घण्टा यातायात अवरुद्ध

अपरेटरहरूले जोखिम मोलेर पहिरो पन्छाए

हिजो राती १०:३५ बजेदेखि सडक सञ्चालनमा आएको

सुपरभाइजर, प्राविधिक र कर्मचारीप्रति पनि आभार

काठमाडौँ, १० असाेज । सडक डिभिजन भरतपुरले मुग्लिन–नारायणघाट सडक खण्डमा तुइनखोलामा खसेको पहिरो सफा गर्न अपरेटरहरूले ठुलो जोखिम मोलेर कार्य गरेको जनाएको छ।

अघिल्लो शुक्रवारदेखि पटक–पटक खसेको पहिरोको कारण करिब १०५ घण्टा यातायात अवरुद्ध भएको थियो। निरन्तरको प्रयासपछि हिजो राती १०:३५ बजेदेखि सडक पूर्णरूपमा सञ्चालनमा आएको डिभिजनले जानकारी दिएको छ।

कार्यालयले सामाजिक सञ्जालमार्फत् भनेको छ, “डुङ्गाहरू खसिरहँदा समेत खतरा मोलेर पहिरो पन्छाउने अपरेटर साथीहरूलाई हृदयदेखि आभार व्यक्त गर्न चाहन्छौँ।” यसबाहेक फिल्डमा खटिएका सुपरभाइजर, प्राविधिक र अन्य कर्मचारीप्रति पनि आभार व्यक्त गरिएको छ।