ट्यांकरले ठक्कर दिँदा बाँकेमा दुई बालकको घटनास्थलमै मृत्यु

काठमाडौं । ट्यांकरले ठक्कर दिँदा बाँकेमा दुई बालकको घटनास्थलमै मृत्यु भएको छ । बाँकेको डडुवा गाउँपालिकामा पानी बोक्ने ट्यांकरको ठक्करबाट दुईबालकको ज्यान गएको हो । बालकको मृत्यु भएपछि स्थिति तनावग्रस्त बनेको छ ।

आक्रोशित स्थानीयले पानी ट्यांकर जलाइदिएका छन् । प्रहरी चौकीमा समेत ढुंगामुढा प्रहार भएको छ । प्रहरीले चालकलाई नियन्त्रणमा लिएको छ ।

डडुवा–२ स्थित बेतहनी चोकमा भे १ ख ४१०७ नम्बरको ट्यांकरले ठक्कर दिँदा ८ वर्षीय विशाल गोदिया र ९ वर्षका शिउकुमार गोदियाको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ ।