- २६ असार २०८३, शुक्रबार / Jul 10, 2026
मुख्य बुँदा
संयुक्त राष्ट्रसङ्घको विश्व मौसम विज्ञान सङ्गठन (WMO) ले जलवायु परिवर्तनका कारण विश्वव्यापी बाढी र खडेरी बढिरहेको चेतावनी।
‘स्टेट अफ ग्लोबल वाटर रिसोर्सेज’ प्रतिवेदनमा हिमनदी पग्लिनु, असन्तुलित नदी बेसिन, गम्भीर बाढीले जल चक्र अप्रत्याशित भएको उल्लेख।
गएको वर्ष इतिहासकै सबैभन्दा तातो, दक्षिण अमेरिका, अमेजन र दक्षिणी अफ्रिकामा लामो खडेरी।
मध्य अफ्रिका, युरोप र एसियामा सामान्यभन्दा बढी वर्षा र विनाशकारी बाढी।
लगातार छैटौं वर्ष विश्व नदी बेसिनमा असन्तुलन।
हिमनदी पग्लिँदा समुद्री सतह १.२ मिलिमिटरले बढेको, लाखौँ मानिस बाढी जोखिममा।
जलस्रोत अनुगमन र तथ्याङ्क साझेदारी सशक्त बनाउन WMO ले आह्वान।
एजेन्सी, २ असोज । संयुक्त राष्ट्रसङ्घले जलवायु परिवर्तनका कारण विश्वव्यापी रूपमा बाढी र खडेरी चरम रूपमा बढिरहेको चेतावनी दिएको छ।
विश्व मौसम विज्ञान सङ्गठन (WMO) ले सार्वजनिक गरेको ‘स्टेट अफ ग्लोबल वाटर रिसोर्सेज’ प्रतिवेदन अनुसार हिमनदी पग्लिनु, असन्तुलित नदी बेसिन र गम्भीर बाढीले विश्वको जल चक्र अझ अप्रत्याशित भएको देखिएको छ। प्रतिवेदनअनुसार, गएको वर्ष इतिहासकै सबैभन्दा तातो थियो।
यसले दक्षिण अमेरिकाको उत्तरी भाग, अमेजन बेसिन र दक्षिणी अफ्रिकामा लामो खडेरी ल्यायो भने मध्य अफ्रिका, युरोप र एसियामा विनाशकारी बाढी र आँधीबेहरीसहित सामान्यभन्दा बढी वर्षा भयो। डब्लूएमओले लगातार छैटौं वर्ष विश्व नदी बेसिनमा स्पष्ट असन्तुलन देखिएको बताएको छ।
हिमनदी पग्लिँदा समुद्री सतह १.२ मिलिमिटरले बढेको र तटीय क्षेत्रका लाखौँ मानिस बाढी जोखिममा परेको प्रतिवेदनमा उल्लेख छ।WMO ले विश्वभर जलस्रोतको अनुगमन र तथ्याङ्क साझेदारी अझ सशक्त बनाउन आह्वान गरेको छ। जलवायु परिवर्तनले सिर्जना गरेको चुनौतीका कारण विश्वले तत्कालै रणनीति र उपाय अपनाउनुपर्ने आवश्यकता औँल्याइएको छ।
