- ८ बैशाख २०८३, मंगलवार / Apr 21, 2026
मुख्य बुँदा
समीर पल कपुरले परराष्ट्रमन्त्री शिशिर खनालसँग भेटवार्ता गरे
त्यसपछि अर्थमन्त्री स्वर्णिम वाग्लेसँग छलफल गर्ने कार्यक्रम
कार्यवाहक अमेरिकी राजदूत स्कट उरवम पनि भेटमा सहभागी
कपुरले पाटन दरबार स्क्वायरको भ्रमण गरेका थिए
रवि लामिछानेसँग पनि निवासमै पुगेर भेटघाट गरेका थिए
काठमाडौं, ८ बैशाख । नेपाल भ्रमणमा रहेका मध्य तथा दक्षिण एसियाली मामिलासम्बन्धी अमेरिकी सहायक विदेशमन्त्री समीर पल कपुर ले मंगलबार उच्चस्तरीय भेटघाटलाई तीव्रता दिएका छन्।
कपुर बिहान साढे ९ बजे परराष्ट्र मन्त्रालय पुगेर परराष्ट्रमन्त्री शिशिर खनाल सँग भेटवार्ता गरेका छन्। त्यसलगत्तै बिहान साढे १० बजे उनले अर्थमन्त्री स्वर्णिम वाग्ले सँग भेट गर्ने कार्यक्रम रहेको छ। मन्त्रीहरूसँगको भेटमा कार्यवाहक अमेरिकी राजदूत स्कट उरवम पनि सहभागी छन्।
कपुरले सोमबार अपराह्न पाटन दरबार स्क्वायर को भ्रमण गरेका थिए। दूतावासका प्रवक्तासहित उनी अपराह्न सवा ३ बजेतिर त्यहाँ पुगेका थिए। समीर पल कपुर सोमबार बिहान त्रिभुवन अन्तर्राष्ट्रिय विमानस्थल मा टर्किस एअरलाइन्स को उडान नम्बर टीके–७२६ मार्फत इस्तानबुल हुँदै काठमाडौं आइपुगेका थिए। त्यसपछि उनी महाराजगञ्जस्थित अमेरिकी दूतावास पुगेका थिए।
दूतावासमा करिब एक घण्टा बिताएपछि कपुर बूढानीलकण्ठ नजिकै रहेको रवि लामिछाने को निवासमा पुगेर भेटघाट गरेका थिए।कपुरको तीनदिने भ्रमणका क्रममा सरकारी अधिकारी, व्यवसायी र सांस्कृतिक क्षेत्रका प्रतिनिधिसँग भेटवार्ता हुने कार्यक्रम रहेको छ। उनले प्रधानमन्त्रीसँग भेट गर्ने वा नगर्नेबारे भने औपचारिक जानकारी सार्वजनिक गरिएको छैन।
