श्वेत भैरब बचत तथा ऋण सहकारी संस्थाको साधारण सभा सम्पन्नः किसानको हितमा काम गर्न बिजुक्छेंको अनुरोध

भक्तपुर । श्वेत भैरब बचत तथा ऋण सहकारी संस्थाको १६ र्औ साधारण सभा सम्पन्न भएको छ । साधारण सभाको उद्घाटन गर्दै नेपाल मजदुर किसान पार्टीका अध्यक्ष नारायणमान बिजुक्छेंले सहकारीले श्रृण दिने, तालिम दिने, कृषिमा देखिएका समस्याहरु समाधान गर्न पहल गनुपर्ने धारणा राख्नु भयो ।

भक्तपुरको सन्दर्भमा सहकारीहरुले राम्रो काम गरेको तर्क गर्दै सहकारीले पैसाको मात्रै कारोबार गर्न नहुने बताए । केही सहकारीहरुले जनतालाई लुटेको कुरा अवगत गराउँदै कृषिप्रधान देशमा कृषि सहकारीको बिशेष महत्व हुने धारणा व्यक्त गरे ।

कार्यक्रममा भक्तपुर नगरपालिका वडा नं ८ का वडा अध्यक्ष कृष्णप्रसाद कोजू, समाजसेवी लक्ष्मीनारायण दुवाललगायतले बोल्नु भएको थियो । साधारण सभामा विभिन्न साँगितिक प्रस्तुती गरिएको थियो । साधारणसभामा सहकारीमा आवद्ध दुई हजारवढी सदस्यहरुको सहभागिता रहेको थियो ।