सोमबार साँझदेखि फेरि वर्षाको सम्भावना

काठमाडौं । गएको शुक्रबार यता कम भएको वर्षा अब फेरि बढ्न लागेको महाशाखाका मौसमविद् सञ्जीव अधिकारीले जानकारी दिएका छन् ।

देशका धेरै स्थानमा सोमबार (भोलि)साँझदेखि वर्षामा वृद्धि हुने सम्भावना छ । आउँदो मंगलबार रातिसम्मै वर्षाको क्रम बढ्ने देखिएको उनले बताए । “केही दिनयता सुक्खाजस्तो भएको छ । वर्षा नै नभएको होइन, मध्यमदेखि भारीसम्म पनि वर्षा भएको छ,” उनले भने, “ सोमबार साँझबाट भने वर्षाको गतिविधि बढ्नेछ ।”

हाल देशभर मनसुनी वायुको प्रभाव छ । मनसुनको न्यूनचापीय रेखा पूर्वमा सरदर स्थानको उत्तरतर्फ तथा पश्चिममा सरदर स्थानको दक्षिणतर्फ रहेको महाशाखाले जनाएको छ ।