पश्चिमी वायुको प्रभावले धेरै ठाउँमा हुस्सु

काठमाण्डौ । तराईका धेरै ठाउँमा हुस्सु लागेको छ । पश्चिमी वायुको प्रभावले धेरै ठाउँमा हुस्सु लागेको हो । सुदूरपश्चिम प्रदेशका पहाडी भागमा आंशिक बदली तथा बाँकी भू–भागमा मुख्यतया मौसम सफा रहने अनुमान छ ।

विहिबार बिहान तराई तथा काठमाण्डौ उपत्यकाका धेरै ठाउँमा हुस्सु लाग्ने सम्भावना रहेको छ । महाशाखाले हुस्सु, कुहिरो र चिसोले दैनिक जनजीवन, स्वास्थ्य, यातायात तथा हवाई उडानमा असर पर्नसक्ने भएकाले सतर्कता अपनाउन अनुरोध गरेको छ ।

विशेषगरी अहिले गण्डकी प्रदेशको पहाडी क्षेत्रमा कुहिरो लागेको जल तथा मौसम पूर्वानुमान महाशाखाले जनाएको छ । महाशाखाका अनुसार दिउँसो देशको पहाडी भागमा आंशिक बदली तथा बाँकी भागमा मौसम सफा रहने छ । पहाडी कतिपय क्षेत्रमा कुहिरो लागेको छ ।