- ३० आश्विन २०८३, शुक्रबार / Oct 16, 2026
काठमाडौं । धेरै घरहरू बसोबासविहीन अवस्थामा पाइएका छन् । जनगणना २०७८ को एक पूरक प्रतिवेदनको विवरणमा नेपालको ७५.५ लाखभन्दा धेरै घरहरूमध्ये चार लाख ७२ हजारभन्दा धेरै खाली पाइएका थिए । रिक्त घरहरू मुख्यतः हिमाली र पहाडी क्षेत्रका ग्रामीण भेगमा रहेको राष्ट्रिय तथ्याङ्क कार्यालयका प्रवक्ता बताउँछन् ।
कार्यालयका उप प्रमुख तथ्याङ्क अधिकारीसमेत रहेका हेमराज रेग्मीले बसोबास योग्य भइकन पनि मानिसहरू नबसिरहेका घरहरू भएको बताए ।
पहाडी भेगको सम्पदा र जमिनको प्रयोग कम हुन थालेको एक जना योजनाविद् प्राध्यापक पीताम्बर शर्माले बताए । आर्थिक भविष्य ठूलो सङ्कटमा रहेको उनको टिप्पणी छ ।
जनगणनाका बेला गणकहरू घर घर पुग्दा यहाँ मानिस र बस्तुभाउ नभएका घरलाई रिक्त घर मानिएको राष्ट्रिय तथ्याङ्क कार्यालयका अधिकारीहरू बताउँछन् । मानिसहरूको बसोबास हुने ५४ लाख १६ हजार घरहरूमध्ये पाँच लाखजति खाली पाइएका हुन् ।
त्रिभुवन विश्वविद्यालयको जनसङ्ख्या अध्ययन केन्द्रीय विभागका प्रमुख प्राध्यापक योगेन्द्रबहादुर गुरुङले पहाडी तथा हिमाली भेगमा मौसमी अवस्थाका कारण कतै कतै एकभन्दा धेरै घरसमेत हुने भए पनि लाखौँको सङ्ख्यामा घरहरू रित्तो हुनु सुखद नभएको बताउँछन्।।ू
