जंगली हात्ती मृत भेटियो

काठमाडौं । बारामा वयस्क हात्ती मृत फेला परेको छ । कोल्हबी नगरपालिका– २ भलुयाहीखोरमा करिब १५ वर्षको हात्ती मृत फेला परेको हो ।

रमेश जिसीको धान खेतमा आइतबार हात्ती मृत फेला परेको कोल्हबी सबडिभिजन वन कार्यालयका प्रमुख अब्दुल करिमले बताए ।

हात्तीको घाँटीमा बिजुलीको तार बेरिएकोले करेन्ट लागेर हात्ती मरेको हुन सक्ने प्रारम्भिक अनुमान छ ।

करेन्ट कसले लगाएको हो भन्ने खुलेको छैन । अनुसन्धान भइरहेको कोल्हबी सबडिभिजन वन कार्यालयका प्रमुख करिमले बताए ।

२०८० फागुनमा सोही स्थानमा करिब तीन वर्षको पोथी बाघ मृत फेला परेको थियो ।