- १६ जेष्ठ २०८३, शनिबार / May 30, 2026
काठमाण्डौं । आज अपाङ्गता भएका व्यक्तिको ३० औँ अन्तर्राष्ट्रिय दिवस विभिन्न कार्यक्रमगरी मनाइँदै छ । समावेशी, सुलभ र दिगो, कोभिड–१९ पछिको विश्वतर्फ अपाङ्गता भएका व्यक्तिको नेतृत्व र सहभागिता भन्ने नाराकासाथ विश्वभर दिवस मनाइँदैछ ।
नेपालमा भने ‘हाम्रो प्राथमिकताको आधार, अपाङ्गता भएका व्यक्तिहरूको अधिकार’ भन्ने नाराका साथ यो दिवस मनाइँदैछ । सन् १९८२ को डिसेम्बर ३ तारिखमा संयुक्त राष्ट्र सङ्घले अपाङ्गता सम्बन्धी विश्व कार्ययोजना पारित गरेपछि सन् १९९२ देखि यो दिवस मनाउन थालिएको हो ।
अपाङ्गता भएकाहरुले भोग्नु परेको समस्यामाथि छलफलसँगै चुनौतीको समाधान निकाल्न, अपाङ्गता सम्बन्धी जागरण फैलाउन र अपाङ्गता भएका व्यक्तिको अधिकार सुनिश्चित गर्ने उद्देश्यका साथ दिवस मनाउने गरिएको हो ।
२०६८ सालको जनगणना अनुसार नेपालमा अपाङ्गता भएका व्यक्तिहरुको सङ्ख्या साढे पाँच लाख रहेको राष्ट्रिय अपाङ्ग महासङ्घ ले जनाएको छ।
