भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

अलपत्र नागरिक बाेकेर वायुसेवा निगमको जहाज अष्ट्रेलिया जाने

अलपत्र नागरिक बाेकेर वायुसेवा निगमको जहाज अष्ट्रेलिया जाने

२३ बैशाख २०७७ काठमाडौं । नेपालमा अलपत्र परेका अष्ट्रेलियन नागरिक लिएर नेपाल वायुसेवा निगमको ए ३३० वाइडबडी जहाज बुधबार अष्ट्रेलिया जाने भएको छ । अष्ट्रेलियन राजदूतावासले निगमको जहाज चार्टर गरी लैजान लागेको हो ।

२ सय ६४ अष्ट्रेलियन नागरिक लिएर दिउँसो साढे १ बजे जहाज उड्ने नेपाल वायु सेवा निगमले जनाएको छ । जाँदा यात्रु लिएर जाने भए पनि फर्कदा जहाज खाली आउने निगमका प्रवक्ता अर्चना खडकाले बताइन ।

जहाज मलेसिया ट्रान्जिट भएर जाने छ भने फर्कदा नेपाल सिधा उडान भर्ने खड्काले बताइन् । काठमाडौंबाट उडेको चार घण्टामा मलेसियाको राजधानी क्वालालम्पुर पुग्ने र त्यहाँ इन्धन भरेर उडेको जहाज करीब आठ घन्टामा अस्टेलियाको सिड्नी पुग्ने छ ।

यस अघि नेपाली दुतावास अष्ट्रेलियाले जहाज खाली नपठाउने बताएका थिए । नेपाल जान चाहनेलाई सोही जहाजमा पठाउने विज्ञप्ती निकालेको थियो । निगमका अनुसार सो जहाज खाली नेपाल आउने छ । निगमको अर्को वाइडबडी जहाज ५:३० मा बेइजिङ जाने छ । निजि क्षेत्रको स्वास्थ्य सामग्री लिन जहाज चीन जाने खड्काले बताइन् ।

 


Thali Mobile Pvt.Ltd.