आज पाकिस्तान र अफगानिस्तान भिड्दै

काठमाडौं । आईसीसी एकदिवसीय विश्वकप क्रिकेटमा पाकिस्तान र अफगानिस्तानबीच भिडन्त हुँदैछ ।

भारतको चेन्नईस्थित एमए चिदम्बरम स्टेडियममा आज नेपाली समयअनुसार दिउँसो सवा २ बजे खेल सुरु हुदैछ ।

जारी विश्वकपमा दुवै टोलीले आज पाँचौँ खेल खेल्न लागेका हुन् ।

जसमा पाकिस्तानले चारमध्ये दुई जित र दुईमा हार बेहोरेको छ भने अफगानिस्तानले चारमध्ये तीनमा हार र एउटामा जित निकालेको छ ।

कूल ७ एकदिवसीय अन्तर्राष्ट्रिय खेल भएको छ । जसमा पाकिस्तानले सबै खेल जितेको छ । एकदिवसीय विश्वकपमा पनि पाकिस्तानको अग्रता छ ।