- २८ श्रावण २०८३, बिहीबार / Aug 13, 2026
काठमाडौं । राष्ट्रति विद्यादेवी भण्डारी बङ्गला देश जाँदैछन् । समकक्षी मोहमम्द अब्दुल हमिदको निमन्त्रणामा राष्ट्रपति भण्डारी राजकीय भ्रमणका लागि आज त्यसतर्फ जान लागेकी हुन् ।
वायु सेवा निगमको विशेष चार्टर विमानमार्फत राष्टपति भण्डारी बिहान पौने ९ बजे बंगलादेश उड्ने कार्यक्रम तय भएको छ राष्ट्रपति कार्यालये जानकारी दिएको छ ।
दुई दिने भ्रमणमा नेपाल र बंगलादेशबीच रहेको पारवहन संशोधनसम्बन्धी सम्झौतालगायत कम्तीमा चारवटा समझदारी पत्रमा हस्ताक्षर हुने कार्यालयले जनाएको छ ।
बंगलादेशका राष्ट्रपिता बंगलाबन्धु शेख मुजबुर रहमानको सतवार्षिकी जन्म जयन्तीमा पनि सहभागी हुने कार्यक्रम छ । उक्त कार्यक्रममा बंगलादेश सम्बन्धको बारेमा भण्डारीले प्रवचन दिने कार्यक्रम रहेको बताइएको छ ।
ढाकास्थित नेपाली दूतवास भ्रमण गरी त्यहाँ रहेका नेपाली समुदायसँग भेट गर्ने कार्यसूची पनि तय गरिएको छ भने भ्रमण दलमा एक सांस्कृतिक टोली पनि रहेको राष्ट्रपति कार्यालयले जनाएको छ ।
