श्री एयरलाइन्सका सबै उडान स्थगित

काठमाडौं । श्री एयरलाइन्सले आइतबारको सबै उडान स्थगित गरेको छ । विमान परीक्षण गर्ने भएका कारण आइतबारका लागि पूर्व निर्धारित सबै उडानहरू स्थगित गरेर हो ।

शनिबार काठमाडौंबाट धनगढीका लागि उडान भरेको जहाजमा केही प्राविधिक समस्या आएपछि विमान काठमाडौं नै फर्किएका थिए । श्री एयरलाइन्सलाई नागरिक उड्डयन प्राधिकरणले उडान स्थगित गरि सबै जहाजको चेकजाँच गरेर मात्रै उडान गर्न निर्देशन दिएको छ ।

श्री एयरलाइन्सका सबै उडान स्थगित गरी आइतबार दिनभर कम्पनीका सबै विमानको प्राविधिक परीक्षण गर्ने र सोमबारदेखि भने उडान नियमित सञ्चालन हुने एयरलाइन्सले जनाएको छ ।