एनआरएनएको दशौँ महाधिवेशन सुरु

काठमाडौं । गैरआवासीय नेपाली संघ (एनआरएनए) को दशौं महाधिवेशन सुरु भएको छ । आज शनिबारदेखि ललितपुरस्थित होटल हिमालयमा महाधिवेशन सुरु भएको हो ।

संघका संस्थापक अध्यक्ष डा.उपेन्द्र महतो, पूर्वअध्यक्षहरू जीवा लामिछाने, भवन भट्ट र अध्यक्ष कुमार पन्तले संयुक्त रुपमा उद्घाटन गरेका हुन । दुई दिनसम्म चल्ले सो सम्मेलनमा संघका महासचिव डा‍‍. हेमराज शर्माले वार्षिक प्रतिवेदन र कोषाध्यक्ष महेश श्रेष्ठले आर्थिक प्रतिवेदन प्रस्तुत गर्ने बताइएको छ ।

संघको नेतृत्वको लागि भएको विवाद अन्त्य गर्न बहुअध्यक्षीय प्रणालीको लागि महाधिवेशनमा विधान संशोधन गर्ने तयारी गरिएको छ ।

संघको विश्व सम्मेलनको राष्ट्रपति विद्यादेवी भण्डारीले उद्घाटन गर्ने कार्यक्रम तय गरिएको एनआरएनएले जनाएको । भोलिको कार्यक्रममा प्रधानमन्त्री शेरबहादुर देउवाले मन्तव्य राख्ने कार्यक्रम छ ।