- १२ भाद्र २०८३, शुक्रबार / Aug 28, 2026
काठमाडौं । नेकपा एकीकृत समाजवादीको पार्टी बैठकमा राजनीतिक प्रतिवेदन पेस गर्दै अध्यक्ष माधव कुमार नेपालले एमालेलाई दक्षिणपन्थी अवसरवादी चरित्रको कम्युनिस्ट पार्टी भएको बताएका छन् ।
उसको वर्ग अडान स्पष्ट नभएको उल्लेख गर्दै प्रतिवेदनमा प्रतिनिधिसभामा प्रतिनिधित्व गर्ने सबैजसो दलको समीक्षा गरे । कांग्रेसलाई पुँजीवादी वर्गचरित्रको पार्टी भएपनि संविधान र लोकतन्त्रको रक्षाप्रति प्रतिबद्ध रहेको बताए ।
दलाल पुँजीपति वर्गसँगको लसपसले गर्दा यसको नेतृत्व तीब्र गतिमा दक्षिणपन्थी हुँदै गएको आरोप लगाए ।
अध्यक्ष नेपालले नेकपा माअोवादी केन्द्रलाई भने ढुलमुले चरित्रको बताए ।
वर्ग अडान स्पष्ट नभएको भन्दै सशस्त्र द्वन्द्वबाट शान्ति प्रक्रियामा आएको माओवादी पार्टी शान्ति प्रक्रिया लम्बिदै गएपछि सत्ताको वरिपरि केन्द्रीय हुँदै गएको जिकिर गरे ।
