एमाले युवा संघको निशानामा सभामुख

काठमाडौं । एमाले निकट भातृ संठन देशव्यापी आन्दोलनमा उत्रिने भएका छन् ।

सरकारले स्थानीय तहको निर्वाचन टार्न खोजेको भन्दै अध्यक्ष केपी शर्मा ओलीले नै सरकारमाथि दबाब दिन आन्दोलन गर्ने निर्देशन दिएपछि राष्ट्रिय युवा संघ र अनेरास्ववियुले मन्त्री र सभामुखलाई निशाना बनाएको स्रोतको दावी छ ।

सडकमा उत्रिएका अनेरास्ववियुका कार्यकर्ताले पुल्चोकस्थित् मन्त्री क्वार्टरअघि आज प्रदर्शन गरेका छन् ।

उनीहरुले मन्त्रीलाई कालो झण्डा देखाए। उता, प्रतिनिधिसभाका सभामुख अग्निप्रसाद सापकोटालाई पनि उनीहरुले कालो झन्डा देखाएका छन् ।अनेरास्ववियुले काभ्रेमा सभामुख सापकोटालाई कालोझन्डा देखाएका हुन्।