- ११ कार्तिक २०८३, बुधबार / Oct 28, 2026
काठमाडौँ । सरकारले सेयर बजारप्रतिको कठोर नीतिले लिएसंगै सेयर बजार खस्केकाे छ । सेयर बजार परिसूचक (नेप्से) १९ महिनायताकै तल्लो बिन्दु एक हजार ९०० बिन्दुमा झरेको हो ।
यसअघि ११ मंसिर २०७७ मा सूचक १९९३ बिन्दुमा रहेको थियो । सोमबार कारोबार खुला भएदेखि घट्न थालेको नेप्से एक घण्टा अवधिमा १ हजार ९०० बिन्दुमुनि झरेको हो । निरन्तरको गिरावटले मार्जिन कल र अझै घट्ने आंकलनका साथ लगानीकर्ताले सेयर बिक्री गरेपछि बजार थप प्यानिक भएको हो ।
त्यस्तै कारोबारको १ घण्टा अवधिमा नेप्से ३९.८१ अंकले घटेर १८९४.३१ बिन्दुमा झरेको छ । काराेबारमा करिब २०१ कम्पनीका सात लाख ४१ हजार कित्ता सेयर २४ करोड ८६ लाख रुपैयाँमा खरिद बिक्री भएको छ । काराेबारकाे समयमा आएका सबै उपसमुहगत सूचक राताम्मे बनेका छन् भने फाइनान्स र जलविद्युत सूचक ३ प्रतिशतभन्दा बढीले घटेको छ ।
यस्तै हिमालयन डिष्टिलरीको सबैभन्दा धेरै एक करोड ७२ लाखको सेयर कारोबारमा आएको छ भने एनसीसी बैंक, नबिल बैंक र अरुण काबेली पावरको शीर्ष तीन ठूलो कारोबार भएको छ ।
