- २ श्रावण २०८३, शनिबार / Jul 18, 2026
सिन्धुली । सुनकोसी नदीमा स्कारपियोसहित खसेकाहरूको उद्धारका लागि सशस्त्र प्रहरीको गोताखोर टोली खटिएको छ ।
मध्यपहाडी लोकमार्गअन्तर्गत घुर्मी–खुर्कोट सडकखण्डको लौकुनबाट स्कारपियोसहित सिटिइभिटीका तीन कर्मचारी सुनकोसी नदीमा खसेका छन् ।
उनीहरूको उद्धारका लागि सिनामंगलस्थित सशस्त्र प्रहरी बल, नेपाल नं. २० विपत् उद्धार उपत्यका गणबाट सशस्त्र प्रहरी नायब निरीक्षक कमान्डको सातजनाको गोताखोर टोली करिब १ः३० बजेतिरबाट खटिएको छ ।
सशस्त्र प्रहरी बल, नेपाल आश्रित गुल्म सिन्धुलीबाट डिएमसहित सशस्त्र प्रहरी निरीक्षक कमान्डको १३ जना, सशस्त्र प्रहरी बल नेपाल रामेछाप गुल्मबाट सशस्त्र प्रहरी नायब निरीक्षक कमान्डको नौ जनाको टोली पनि खटिएको छ ।
उक्त दुर्घटनामा सिटिइभिटीका निर्देशक कृष्णबहादुर केसी, निर्देशक यमबहादुर भुजेल र प्राविधिक अधिकृत भानु पौडेल सवार रहेको प्रहरीले बताइएको छ।
