कारागारमा ठाउँ छैन, कोचाको कैदीबन्दी

ताप्लेजुङ । कारागारमा ठाउँ नभए पनि कोचाकोच कैदी बस्न बाध्य भएका छन् ।

२५ जना क्षमताको भौतिक संरचना रहेको कारागारमा अहिले १४० कैदीबन्दी बस्दै आएका छन् । महिलाका लागि कारागार नहुँदा छिमेकी जिल्ला पाँचथर फिदिममा पठाउँदै आएको कारागार प्रमुख जेलर बुलेन्द्र खवासको भनाई छ । अहिले कारागारमा कैदीबन्दी ३२ र थुनुवा दुई गरी कर्तव्य ज्यान मुद्दामा ३४ पुरुष रहेका छन् ।

नौ ज्यान मार्ने उद्योग मुद्दा, ३९ जबर्जस्ती करणी मुद्दा, दुई सुन डकैती, कर्तव्य ज्यान मार्ने उद्योग मुद्दामा सजाय भुक्तान गर्दै छन् । त्यसैगरी आठ जना डाका मुद्दा, तीन जना चोरी मुद्दा, पाँच जना लागुऔषध मुद्दा, चार जना जीउ मास्ने, बेच्ने कर्तव्य ज्यान र चोरी मुद्दामा सजाय भुक्तान गर्दै बसेका छन् ।