- १ भाद्र २०८३, सोमबार / Aug 17, 2026
काठमाडौँ । काठमाडौँ उपत्यकामा ७५५ संक्रमित थपिएका छन् । पीसीआर परीक्षणमा काठमाडौँमा ६०९ सहित उपत्यकामा ७५५ संक्रमित थपिएका हुन् । काठमाडौँमा २२९ महिला र ३८० पुरुषमा कोरोना देखिएको छ । भक्तपुरमा १२ महिला र ३९ पुरुषसहित ५१ जनामा नयाँ संक्रमण पुष्टि भएको छ । त्यस्तै ललितपुरमा ३८ महिला र ५७ पुरुषसहित ९५ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
नेपालमा थप १ हजार ४९७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले नियमित पत्रकार सम्मेलन गर्दै नेपालमा कोरोना संक्रमितको संख्या ६९ हजार ३०१ पुगेको जनाएको छ । आज ४५७ जनाले कोरोनालाई जितेका छन् । योसँगै अहिलेसम्म कोरोना संक्रमण मुक्त हुनेको संखया ५० हजार ४११ पुगेको छ ।
मृतकको संख्या ४५३ पुग्यो
वितेको २४ घण्टामा १७ कोरोना संक्रमितको मृत्यु भएको छ । नेपालमा कोरोनाबाट ज्यान गुमाउनेको संख्या ४५३ पुगेको छ । यसअघि बुधाबार ७ जनाको मृत्यु भएको थियो ।
