कोरोना कहर विश्वका १ सय ७१ देशमा फैलियो

काठमाडाैं । कोरोना भाइरसको ओमिक्रोन भेरियन्ट विश्वका १ सय ७१ देशमा फैलिएको पाइएको छ । यो भेरियन्ट अझै तीव्र गतिमा फैलिने क्रममा रहेको विश्व स्वास्थ्य सङ्गठन (डब्ल्यूएचओ) ले तथ्यांक सार्वजनिक गरेको हो । डब्लुएचओको नयाँ रिपोर्टअनुसार यसअघि सङ्क्रमित भइसकेकाहरुलाई ओमिक्रोनको पनि सङ्क्रमण भएको जनाइएको छ ।

सङ्क्रमण फैलिँदै गएपछि चीनको फेङ्गताइ जिल्लामा सिल गरिएको छ । यो जिल्लालाई अत्यधिक जोखिमयुक्त क्षेत्र घोषणा गरिएको छ । ओमिक्रोनबाट गम्भीर बिरामी हुने खतरा कम भए पनि रोग प्रतिरोधात्मक क्षमता कमजोर भएकाहरुलाई भने यसको नराम्रो असर पर्ने र ज्यान समेत जान सक्ने खतरा रहेको डब्ल्यूएचओले जनाएको छ ।