भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

कोरोनाले वीरगन्जको अवस्था भयावह बन्दै

कोरोनाले वीरगन्जको अवस्था भयावह बन्दै

१७ साउन २०७७ वीरगन्ज । कोरोना संक्रमणका कारण पछिल्ला समय वीरगन्जको अवस्था भयावह भन्दै गएको छ । दुई दिनमा पाँच जनाको मृत्यु भएको छ । साउनमा मात्रै वीरगन्जमा ९ जना संक्रमितको मृत्यु भइसकेको छ । बिहीबार पर्साका ४१ जनामा संक्रमण भेटिएकोमा ३७ जना वीरगन्जकै हुन् ।

बुधबार पनि ८४ जनामा संक्रमण भेटिएको थियो । असार अन्तिममा अस्पतालमा दुई जना मात्रै संक्रमित थिए भने साउन सुरु भए लगत्तै दिनहुँ संक्रमित थपिँदै गएका छन् । समुदायमै संक्रमण फैलिएको भन्दै वीरगन्जमा साउन १० देखि अनिश्चितकालीन निषेधाज्ञा जारी छ ।

मास टेस्टिङमा संकलन गरिएका स्वाबमा २० प्रतिशतभन्दा बढीको पोजेटिभ रिपोर्ट आइरहेको नारायणी अस्पतालका प्रमुख मेडिकल सुपरिडेन्टेण्ड डा. मदन उपाध्यायले बताए । कोभिड अस्पतालमा संक्रमित राख्ने ठाउँ नहुँदा एक सय २६ जना संक्रमितलाई घरमै राखिएको छ । यता कोरोना नियन्त्रण तथा रोकथामको काममा जान नमान्ने वीरगन्ज महानगरपालिकाका २५ स्वास्थ्यकर्मीलाई प्रहरीले पक्राउ गरेको छ ।

महानगरपालिकाका २५ स्वास्थ्यकर्मीलाई बिहीबार साँझ प्रहरीले नियन्त्रणमा लिएको हो। विभिन्न बहाना गरेर काममा नगएपछि नियन्त्रणमा लिएको पर्साकी प्रहरी उपरीक्षक गंगा पन्तले बताइन् । वीरगन्ज महानगरपालिका नगर प्रमुख विजयकुमार सरावगी पनि कोरोना संक्रमित भएका छन् । उनी काठमाण्डौंमा उपचाररत छन् ।

 


Thali Mobile Pvt.Ltd.