- २२ भाद्र २०८३, सोमबार / Sep 7, 2026
रुपन्देही । गैडहवाका एक दम्पती आफ्नै आठ महिने शिशुको हत्या गरेको आरोपमा पक्राउ परेका छन् । आफ्नै घरको छतमा आठ महिने शिशुको घाँटी रेटेर हत्या गरेको प्रहरीले जनाएको छ । गैडहवा–६ बस्ने श्रीराम मल्लाह र उनकी श्रीमती रेनु दम्पतीले यही भदौ २६ गते शिशुको हत्या गरेको स्वीकारेका छन् ।
दुवै जनालाई हिरासतमा राखेर अनुसन्धान गरिरहेको प्रहरी प्रवक्ता सत्यनारायण थापाले बताए । हत्याको यर्थाथ कारण खुल्न नसकेपनि जग्गा सम्बन्धी विवादको कारणले परिवारमा दैनिक झगडा हुने गरेको र घटना सोही कारणले भएको थापाको भनाइ छ ।
२६ गते १ बजे शिशुको हत्या भएको सूचना पाएपछि इलाका प्रहरी कार्यालय लुम्बिनी रुपन्देहीबाट प्रहरी निरीक्षक रबिन्द्र महत नेतृत्वको टोली गैडहवामा गएर घटनास्थलको सुक्ष्म अबलोकन ग¥यो । निजको घरको छतमा आलो रगत जमेको अवस्थामा भेटिएपछि प्रहरीले थप अनुसन्धान ग¥यो ।
मल्लाह दम्पती सुत्ने कोठाको टेबुलमा रगत लागेको हँसिया भेटियो । बिस्तारामा, विद्युतको स्वीचमा र रेनुले लगाएको सारीमा समेत रगत लागेको अवस्थामा प्रहरीले फेला प¥यो ।
बरामद गरिएको प्राप्त प्रमाणको आधारमा सुक्ष्म अनुसन्धान गर्दा मृतक आमा बुबाले हत्या घटना स्वीकार गरेको प्रहरी नायव उपरीक्षक थापाले बताए । श्रीराम मल्लाह र उनकी श्रीमती रेनुलाई घटनास्थलबाटै सोही दिन प्रहरीले पक्राउ गरी अनुसन्धान थालेको छ ।
