चाहिँदैन अब खोप लगाउन परिचय पत्र

काठमाडौं। खोप लगाउन अबदेखि परिचय पत्र आवश्यक नपर्ने सरकारले निर्णय गरेको छ । आइडी कार्ड नभएकैले थुप्रैं नागरिक खोपबाट बञ्चित हुनुपर्ने अवस्था आएकाले सरकारले यस्तो व्यवस्था गरेको जनाएको छ । मन्त्रीस्तरीय निर्णय गर्दै स्वास्थ्य मन्त्रालयले आइडी कार्ड आवश्यक नपर्ने व्यवस्था गरेको हो ।

शुक्रबारको मन्त्रीस्तरीय बैठकले यो निर्णय गरिएको र परिचय पत्र नभए पनि योग्य नागरिकले खोप लगाउन पाउने सरकारले व्यवस्था गरेको स्वास्थ्य मन्त्रालयले जनाएको छ ।