- ३० भाद्र २०८३, मंगलवार / Sep 15, 2026
काठमाडौं । छिमेकी देश चीनले नेपाललाई तीनलाख डोज कोरोना भ्याक्सिन अनुदान दिने भएको छ । आफैले उत्पादन गरेको कोरोनाभाइरसविरूद्धको खोप नेपाललाई अनुदानमा दिने भएको हो ।
३ लाख डोज कोरोना भ्याक्सिन नेपाललाई अनुदानमा दिने निर्णय गरेको काठमाडौंस्थित चिनियाँ दूतावासले जानकारी दिएको छ। संसारभरि चीनले ठूलोमात्रामा भ्याक्सिन सयोग गरेर मित्रताको महत्वका जनाएको छ ।
चिनियाँ कम्पनी सिनोफार्मले विकास र उत्पादन गरेको सो भ्याक्सिन चीनमा जनवरी ३१ सम्म २ करोड ४० लाख मानिसलाई दिइसकेको छ । दूतावासले खोपको सुरक्षा र प्रभावकारिता विश्व स्वास्थ्य संगठनले बनाएको मापदण्डभन्दा माथि रहेको उल्लेख गरेको छ ।
