चीनसँग लडाइँ लडन ताइवान तयार छ : विदेशमन्त्री जोसेफ

एजेन्सी । चीनसँग सन् २०२७ मा लडाइँ हुने ताइवानका विदेशमन्त्री जोसेफ वुले बताएका छन् ।
एलबीसीको टुनाइट विथ एन्डु मारसँग कुरा गर्दै उनले चीनको सैन्य जोखिमलाई निकै गम्भीरतापूर्वक लिएको बताएका हुन ।

उनले सन् २०२७ का लागि गम्भीर हुनुपर्ने बताउँदै युद्धको लागि समेत तयारी गरिरहेको जानकारी दिए । गत शुक्रबार मात्र चीनका विदेशमन्त्री छिन काङले ताइवान जलसन्धिका दुवै भाग चीनकै भएको बताएका थिए । ताइवानको विषयमा आगोसँग खेल्नेहरू आफैं डढ्ने पनि उनको तर्क थियो ।

चीनका राष्ट्रपति सी जिनपिङले देशको सेनालाई सन् २०२७ सम्ममा ताइवान मिसाई सक्न आदेश दिएको अमेरिकी गुप्तचर निकायले विश्वास जनाएको छ । चीनले ताइवानलाई आफ्नै एक प्रान्त मान्ने गरेको छ । मुख्यभूमिसँग त्यो मिसिनुपर्छ भन्ने चीनले मान्यता राख्दै आएको छ ।