जङ्गली जनावरको आक्रमणबाट १२ जनाको मृत्यु

चितवन । एक वर्षको तथ्याङ हेर्दा २०७९–०८० मा जङ्गली जनावरको आक्रमणबाट १२ जनाले ज्यान गुमाएका छन् । बाघ र गैँडाको आक्रमणबाट पाँच–पाँच जना रहेका छन् भने हात्तीको आक्रमणबाट दुई जनाको मृत्यु भएको छ ।

जङ्गली जनावरको आक्रमणका कारण गम्भीर घाइते भएका ३१ र सामान्य घाइते भएका २७ जना रहेको निकुञ्जका सूचना अधिकारी गणेशप्रसाद तिवारीले बताए । मृतकका परिवारलाई जनही १० लाख रुपैयाँका दरले राहत प्रदान गरिएको,

गम्भीर घाइते भएका ३१ जनाको परिवारलाई उपचार खर्चस्वरुप ३२ लाख ८० हजार १७ रुपैयाँ प्रदान गरिएको र सामान्य घाइते २७ जनाको परिवारलाई चार लाख २७ हजार एक सय २८ रुपैयाँ उपचार खर्चबापत प्रदान गरिएको चितवन राष्ट्रिय निकुञ्जले जनाएको छ ।

हात्तीको आक्रमणबाट १७, गैँडाको आक्रमणबाट २१, बाघको आक्रमणबाट सात, भालुको आक्रमणबाट सात, जङ्गली बदेलको आक्रमणबाट ६ जना घाइते भएको निकुञ्जका सूचना अधिकारी तिवारीले बताए ।