- १८ श्रावण २०८३, सोमबार / Aug 3, 2026
काठमाडौं । नेपलमा मल अभाव भएपछि चौतर्फि रुपमा विरोध भइरहेको छ । मानो रोपेर मुरी उत्पादन गर्ने वेलामा पनि मल नपाउनु सरकारको गैरजिम्मेवारी पन हो भन्दै किसानहरुले आन्दोलन गरेका वेला कृषि तथा पशुपक्षी विकास मन्त्री महिन्द्रराय यादवले असार १५ गतेसम्म ८० हजार मेट्रिक टन मल उपलब्ध हुने दाबी गरेका छन् ।
प्रतिनिधि सभामा भइरहको मन्त्रालयगत छलफलमा कृषि मन्त्रालयको विनियोजित बजेट सम्बन्धमा सांसदहरूले उठाएका प्रश्नको जवाफ दिँदै मन्त्री यादवले साल्ट ट्रेडिङले ठेक्का लगाएको मल असार १५ गतेसम्म आइपुग्ने जवाफ दिएका हुन । सरकारले मल कारखाना निर्माणको विषय चाँडै टुङ्गो लगाउने बताउदै उनले नेपालमा मल आयात गर्दा पनि अभाव भइरहेको जानकारी दिए ।
मन्त्री यादवले बेमौसमी वर्षका कारण पीडित किसानले सरकारी राहत नपाउनुमा दोषी आफू नभएको दाबी गर्दै गृह मन्त्रालयले समयमा भुक्तानी नदिएको आरोप समेत लगाए । उनले सरकार–सरकार (जीटूजी) प्रक्रियामार्फत भारतसँग खरिद गर्ने मल पनि चाँडै ल्याउन पहल भइरहेको बताउँदै रासायनिक मलको सट्टा नानो युरिया मल आयात भइरहेको जानकारी दिए ।
