जिउँदै जलाएर पुजारीको हत्या

काठमाडौँ । भारत राजस्थानमा एक पुजारीलाई जिउँदै जलाइएको छ । करौली जिल्लाको बुकाना गाउँमा भएको जमिन विवादका क्रममा पुजारीलाई पेट्रोल छर्केर आगो लगाइएको हो ।

जलेर घाइते पुजारीको उपचारका क्रममा बिहीबार राति मृत्यु भएको संचारमाध्यमले जनाएका छन् ।घटनास्थल सदरमुकामबाट ४ किलोमिटरको दूरीमा पर्छ । पाँच जनाविरुद्ध पुजारी बाबुलाल वैष्णवलाई त्यसरी जिउँदै जलाएको आरोप लागेको छ ।

आरोपितमध्ये मुख्य अभियुक्त कैला मिणालाई पक्राउ गरिए पनि अन्य फरार भएको करौली प्रहरीका अधिक्षक मृदुल कच्छावाले बताए । तर उनीहरुको खोजीकार्यमा प्रहरी निरन्तर खटिरहेको करौली प्रहरीले जनाएको छ।