लकडाउनमा भित्रभित्रै मौलाएकाे नक्कली डलर ठग देखि बलात्कारी सम्म भक्तपुर प्रहरीको नियन्त्रणमा

रक्तिम दैलेखी / भक्तपुर । भित्र भित्रै मौलाएको गुण्डाराजलाई नियन्त्रण गर्न महानगरीय प्रहरी परिसर भक्तपुर सफल भएको छ । केही दिन यता प्रहरीले सक्रियता बढाएपछि ठगी र यौनहिंसामा संलग्नलाई ठूलो संख्यामा पक्रन सफल भएको छ । समाजमा आतंक फैलाएर स्वार्थ पूरा गर्ने ती गुण्डा नाइकेहरु भकाभक प्रहरीले पक्राउ गर्न सफल भएको हो । अपराधमा संलग्न महिला, पुरुष र बालबालिका पनि संलग्न रहेको भेटिएको छ ।

प्रहरी भन्छ, ‘लकडाउनको अवधिमा अपराधिक घटना ह्वात्तै बढेको छ ।’ शुक्रवार महानगरीय प्रहरी परिसर भक्तपुरको प्राङगणमा आयोजित पत्रकार भेटघाट कार्यक्रममा परिसरका प्रमुख प्र.उ. तारा देवी ‍‍थापाले मौलाउदै गएको र सोच्नै नसकिने गरी ठगीधन्दामा लागेका गिरोह नियन्त्रणमा लिएर सार्वजनिक गर्न पाउदा खुसी लागेको बताइन् । कार्यक्रममा वृत्त ठिमीका प्रमुख प्र.ना.उ. ऋषिराम कँडेल, परिसर भक्तपुरका सूचना अधिकारी प्र.ना.उ. केशब कुमार थेबेले यो अवधिमा प्रहरीले प्राप्त गरेको सफल्ताका बारेमा जानकारी दिए ।

भेटघाट कार्यक्रममा डलर देखाई रकम लुटपाट गर्ने लुटेराहरु र उनीहरुको साथबाट अमेरिकी डलर र नेपाली नोट गरी १ करोड १५ लाख १० हजार बराबरको नगद सहित घटनामा संलग्न गिरोहका १२ जना प्रतिवादीहरुलाई पक्राउ गरी सार्वजनिक गरेको छ । ठगी गर्ने अभियुक्तहरुलाई महानगरीय प्रहरी परिसर, भक्तपुर, महानगरीय प्रहरी वृत्त ठिमी, जगाती र अपराध महाशाखा भक्तपुरबाट खटिएको प्रहरी टोलीले नियन्त्रणमा लिएर ठगी मुद्दामा म्याद लिई थप अनुसन्धान गरिरहेकाे जानकारी दिए ।

घटनामा संलग्न अन्यको खोजतलास जारी रहेको छ भने डलर देखाएर लुटपाटमा संलग्न सिन्धुपाल्चोक बाह्रबिसे ३ घर भई काठमाडौं गोकर्णेश्वर १ बस्ने खेल बहादुर तामाङ, बाह्रबिसे नपा ३ घर भई काठमाडौं गोकर्णेश्वर नपा १ बस्ने रेल बहादुर तामाङ, बाह्रबिसे नपा ६ घर भई हाल भक्तपुर मध्यपुरठिमी नपा वडा नं. ९ बस्ने श्याम बहादुर तामाङ, रामकृष्ण तामाङ, कान्छी तामाङलाइ सार्वजनिक गरेकाे छ ।

त्यस्तै बाह्रबिसे नपा ३ घर भई हाल भक्तपुर चारदोबाटो बस्ने विमल भण्डारी, निर्मल भण्डारी, बाह्रविसे नपा २ घर भई हाल जोरपाटी काठमाण्डौ बस्ने राज कुमार तामाङ, बाह्रविसे नपा ४ घर भई हाल लोकन्थली भक्तपुर बस्ने धन बहादुर भण्डारी, बाह्रबिसे नपा २ घर भई हाल भक्तपुर सुडाल बस्ने कमल भण्डारी, बाह्रबिसे नपा ४ घर भई हाल भक्तपुर कालोपाटी बस्ने राकेश भण्डारी, बाह्रबिसे नपा ३ घर भई हाल काठमाण्डौ बालाजु बस्ने सन्च बहादुर योञ्जनलाई प्रहरीले पक्राउ गरी सार्वजनिक गरिएको हो ।

प्रहरीले उनीहरुको साथबाट ५ लाख ९४ हजार ४ सय ७५ नगद, बिभिन्न कम्पनीका मोबाईल सेट १२ थान, मोटरसाईकल ५ थान (बा २७ प २७९९, लु. ६४ प ३४०१, बा. ४० प., ९६०१, प्र. ३– ०२– ०१० प. ९४३८, प्र. ३–०२–०१४ प. ०३४०), डलर भनि झुक्काउन तयार गरिएको ५ बण्डल कागजको बिटो र ४६० अमेरिकन डलर बरामद गरेकाे छ । ठगी गरेकाे १ कराेड १५ लाख रूपया कसैले माेटरसाइकल किनेका छन् भने कसैले विभिन्न ठाउँमा लगानी गरेकाे प्रहरीले बताएकाे छ । ठठी गिरोहको समुहबाट पीडित अझै सम्पर्कमा आउने क्रम जारी रहेकाले रकम अझै बढ्ने प्रहरीले जनाएको छ ।

भेटघाट कार्यक्रममा प्रहरीले सामुहिक रुपमा जवरजस्ती करणी गर्ने गिरोहलाई पनि पक्राउ गरी सार्वजनिक गरेको छ । असोज १६ गते काठमाण्डौको रत्नपार्कमा पानीमा लठ्याउने औषधी मिसाई १७ बर्षकी बालिकालाई खुवाएर रत्नपार्कबाट भक्तपुर सम्म बसमा चढाएर ल्याई बस भित्रै जवरजस्ती करणी गरेको र जवरजस्ती करणी गर्ने व्यक्ति फरार रहेकोले प्रहरीले खोजी जारी राखेको छ ।

त्यस्तै भक्तपुर चाँगुनारायण नपा वडा नं. ८ लिवाली स्थित तवियाखुशी खोलाको किनारमा पार्किङ गरी राखेको बा. ३ ख. २६१२ नं को बस भित्र २ जना व्यक्तिहरुले निज किशोरीलाई पुन: पटक पटक जवरजस्ती करणी गर्ने सिन्धुपाल्चोक चौतारा साँगाचोकगढी न.पा. १० का २२ बर्षिय निर कुमार खड्का र जुगल गापा ४ पाङताङका २१ बर्षिय सुर्य श्रेष्ठलाई नियन्त्रणमा लिई थप अनुसन्धान थालेको छ । घटनामा संलग्न रही फरार भएका झापा चन्द्रगढी पृथ्विनगर नपा १ का २१ वर्षिय दिपेश राई पक्राउ गरी थप अनुसन्धान भइरहेको प्रहरीले जनाएको छ ।

यता १३ वर्षकी एक बालिकालाई ललाई फकाई डेरामा लगेर जवरजस्ती करणी गरेको आरोपमा बोडे चारदोबाटो स्थित डेराकोठाबाट दोरम्बा गापा ७ थापागाउँका २१ वर्षिय पासाङ तामाङ्गलाई प्रहरीले पक्राउ गरी अनुसन्धान थालेको छ । त्यस्तै मध्यपुर ठिमी नपा २ धुन्चेपाखामा जवरजस्ती करणी गरी पेप्सीकोलामा ट्वाईलेटमा बच्चा जन्माई घर पछाडिको पर्खालमा फालेको अवस्थामा जवरजस्ती करणी गरी अबैध नवजात शिशुलाई जन्म दिई फरार भएका सप्तरी कञ्चनपुर नपा ९ घर भई हाल बानेश्वर बस्ने बर्ष २१ को कुश यादवलाई पक्राउ गरी अनुसन्धान थालेको छ ।

प्रहरीले ठूला ठगी गिरोहलाई मात्रै होईन पसल र घर घरमा चोरी गर्ने गिरोहलाई पनि पक्रन सफल भएको छ । जिल्ला प्रहरी परिसर भक्तपुरले
कपडा चोरी गर्ने गिरोहलाई पक्राउ गरेको छ । मध्यपुर ठिमी स्थित एसएस कपडा कारखानाबाट ६०० थान तयारी पाईन्ट र पेगासस कम्पनीको ओभरलक गर्ने मेसिन चोरी गरी फरार भएका धनुषा गणेशमान चारनाथ न.पा. ४ का मेहबुब आलम र सप्तरी खडक न.पा १ का इजारुल अलिलाई पक्राउ गरेको हाे । चोरीमा संलग्न अन्यको खोजीकार्य भइरहेको प्रहरीको भनाई छ ।