डुम्रे सडकखण्ड जेनतेन सञ्चालनमा

११ साउन २०७७ तनहुँ । पृथ्वी राजमार्गमा पर्ने तनहुँको दमौली–डुम्रे सडक खण्डमा जेनतेन एकतर्फी सवारी साधान सञ्चालनमा आएको छ । वैकल्पिक मार्ग निर्माण गरेपछि सञ्चालनमा ल्याइएको हो ।

बन्दीपुर–१ नाहालास्थित पृथ्वी राजमार्गमा पहिरो गएर अवरुद्ध भएपछि वैकल्पिक मार्ग खोलेर मर्मत गरेपश्चात राजमार्ग सञ्चालनमा ल्याइएको प्रमुख जिल्ला अधिकारी सागर आचार्यले बताए ।

सडक डिभिजन कार्यालय तनहुँका इञ्जिनीयरसहितको टोलीले शनिबार बिहानदेखि निरन्तर निर्माण कार्यमा लागेका कारण एकतर्फी सवारीसाधन सञ्चालनमा ल्याउन सकिएको उनेको भनाइ छ ।