- २८ भाद्र २०८३, आईतवार / Sep 13, 2026
काठमाडौं । नेकपाको सचिवालय बैठक बालुवाटारमा जारी छ । दिउँसो चार बजेका लागि प्रधानमन्त्रीको सरकारी निवासमा बोलाइएको बैठक केहीबेर अघि सुरु भएको हो ।
आजको बैठकमा बिहीबार मन्त्रिपरिषदले गरेका संवैधानिक नियुक्ति, मन्त्रिपरिषद् पुनर्गठन, पार्टी एकताको बाँकी कामलगायतबारे छलफल हुने कार्यसूची रहेको बताइएको छ । प्रधानमन्त्री केपी शर्मा ओलीले तीन मन्त्री थप गर्नेबारे अर्का अध्यक्ष पुष्पकमल दाहाल प्रचण्डसँग सोमबार छलफल गरेका थिए ।
सचिवालय बैठकमा सो विषयमा समेत छलफल हुने स्रोतले जानकारी दिएको छ । प्रधानमन्त्रीले विना सरसल्लाह पूर्वअर्थमन्त्री डा. युवराज खतिवडालाई अमेरिकाको राजदूत नियुक्ति गरेपछि नेकपाभित्र विवाद देखिएको छ ।
