दुई किशोरी सामूहिक बलात्कारको शिकार, तीनजना पक्राउ

रुपन्देही । दुई किशोरीलाई सामूहिक बलात्कार गरेको आरोपमा सैनामैना नगरपालिकाका ३ जना पक्राउ परेका छन् । १८ र १९ वर्षीया ती किशोरीलाई बलात्कार गरेका हुन ।

सैनामैना ११ बनकट्टी बस्ने १९ वर्षीय पदम कार्कीसहित १५ वर्षे दुईजना किशोर पक्राउ परेको रुपन्देहीका प्रहरी नायव उपरीक्षक नवरत्न पौडे्लले बताए । आरोपीले घटनामा संलग्न थप ३ जनाको नाम बताएका छन् ।

फरार उनीहरूको खोजी तीव्र पारिएको डिएसपी पौडेलले बताए । पीडित किशोरीहरू र पक्राउ परेका आरोपीहरू चिनजानको साथी रहेको खुलेको छ।

कञ्चन गाउँपालिका २ गोफ्लापुरमा दुवै किशोरीलाई गएराति करिब २ बजेतिर उनीहरूले जबरजस्ती करणी गरेको खबर पाउनासाथ इलाका प्रहरी कार्यालय रुद्रपुरबाट खटिएको प्रहरीले नियन्त्रणमा लिएको हो।