नगरपालिकालाई शैक्षिक गन्तव्यको रुपमा विकास गर्ने सूर्यविनायक नगरपालिकाको नीति कार्यक्रम (पूर्ण पाठ सहित)

भक्तपुर । सूर्यविनायक नगरपालिकाले नगरलाई शैक्षिक हबका रुपमा विकास गर्ने जनाएको छ । १४ औं नगरसभा सार्वजनिक गरेको नीति तथा कार्यक्रममा सो कुरा उल्लेख गरेको छ ।

मेयर बासुदेव थापाले नीति कार्यक्रम सार्वजनिक गर्दै सूर्यविनायक नगरपालिकालाई शैक्षिक गन्तव्यको रुपमा विकास गर्ने र पर्यटनमा थप टेवा पु¥याउने प्रस्तव गरेका छन् । खुला प्रतिष्पर्धाबाट प्रधानअध्यापक छनौट गरेर देशैभरी चर्चा कमाएको सूर्यविनायक नगरपालिकाले आगामी आर्थिक वर्षमा सामाजिक क्षेत्रमा उत्कृष्ट नतिजा निकाल्ने प्रयासमा लागेको छ ।

माध्यमिक तह र उच्च शिक्षा प्रदान गर्ने शैक्षिक संस्थाहरुलाई नगरपालिकामा आकर्षित गर्ने नीति लिदै पूर्वाञ्चल विश्व विद्यालयको मेडिकल र इन्जिनियरिङ्ग विषय सहितको आंगिक क्याम्पस संचालन गर्नका लागि आगामी आर्थिक वर्ष भित्र क्याम्पस संचालन गर्न सम्बन्धित निकायसंग आवश्यक समन्वय र सहकार्य गर्ने जनाएको छ ।

सामुदायिक विद्यालयमा शिक्षक खाली नगर्नको लागि विद्यालय स्तरबाट लिइदै आएको करार शिक्षकलाई पालिकाबाट लिई करार शिक्षक बैंक निर्माण गरेर रोस्टरका आधारमा मेरिट लिस्टमा पढाउने व्यवस्था मिलाउनेसम्मका प्रस्ताव प्रमुख थापाले प्रस्तुत गरेका छन् ।

हेर्नुहोस नीति तथा कार्यक्रमको पूर्णपाठः