नयाँ सरकारको रस्साकसी शुरु

काठमाडौं । संसदीय राजनीतिमा अब नयाँ सरकार गठनको रस्साकस्सी सुरु भएको छ ।

केपी ओलीले फेरि संसद विघटन गर्ने या ठूलो दलको हैसियतले आफैं सरकारको दाबी गर्ने आशंकाकै बीचमा काँग्रेसले बहुमत आफूसहितको गठबन्धनको पक्षमा रहेको दावी गर्दै राष्ट्रपतिसमक्ष मागदाबी प्रस्तुत गर्ने तयारी थालेको छ ।

प्रधानमन्त्री ओलीले आफूलाई विश्वासको मत दिए संसद विघटन नहुने भन्दै मतदानअघि संसदमा जवाफ दिने क्रममा बोलेका कुराले विपक्षीहरुमा थप आशंका बढाएको छ । तर अब नयाँ सरकारको नेतृत्व कसले गर्ने भन्नेमा नै दलहरु केन्द्रीत भएको नेताहरुले बताएका छन् ।