- ११ भाद्र २०८३, बिहीबार / Aug 27, 2026
काठमाडौं । अवैध नागरिकता मुद्दामा सर्वोच्च अदालतको फैसलाबाट संसद तथा सरकारबाट बहिर्गमन भएका रवि लामिछानेले आज नागरिकता पुनः प्राप्तिको प्रक्रिया थाल्दै छन् ।
आइतबार जिल्ला प्रशासन कार्यालय काठमाडौंबाट नेपाली नागरिकताको प्रमाणपत्र लिन निवेदन दिने राष्ट्रिय स्वतन्त्र पार्टी स्रोतले जनाएको छ ।
अमेरिकी नागरिकता त्यागे पनि नेपालको नागरिकता पुनःप्राप्तिको प्रक्रिया पूरा नगरी राष्ट्रिय स्वतन्त्र पार्टीको सभापति तथा सांसद बनेका लामिछानेको नागरिकता अवैध ठहर भएपछि सांसदसँगै मन्त्री पद खारेज भएको थियो ।
लामिछानेको सांसद र मन्त्री पदसँगै पार्टी प्रमुखको पद पनि गुमेपछि राष्ट्रिय स्वतन्त्र पार्टीको कार्यबाहक सभापतिको जिम्मा डोलप्रसाद अर्यालले पाएका छन् ।
लामिछाने जितेको निर्वाचन क्षेत्र चितवन–२ मा उपनिर्वाचन हुने भएको छ ।
