नेकपा फुटले काग्रेसको हातमा लड्डु

पोखरा । सत्ताको सकसपूर्ण रस्साकस्सीबाट शनिबार गण्डकी प्रदेशको मुख्यमन्त्रीमा कृष्णचन्द्र नेपाली पोखरेलले चैन भएका छन् । प्रतिपक्षी दलबाट सरकारको नेतृत्व गर्ने उनी पहिलो नेपाली कांग्रेसका मुख्यमन्त्री बनेका छन् ।

झण्डै दुईतिहाइ बहुमत पाएको नेपाल कम्युनिष्ट पार्टी (नेकपा) विभाजनले उनको हातमा मुख्यमन्त्रीको फल हात परेको हो । पृथ्वीसुब्बा गुरुङलाई विस्थापित गर्दै उनी मुख्यमन्त्री बनेका हुन् । शालीन नेताकै परिचय बनाएका उनलाई दुई महीना लामो राजनीतिक उतारचढावले मुख्यमन्त्री बनाएको हो ।

गण्डकी सरकारविरुद्ध अविश्वास प्रस्ताव दर्ता भएपछि सांसद गायब हुनेदेखि तुरुन्त नियुक्त हुन राजीनामा दिनेसम्मका अस्वभाविक खेलहरू गण्डकीमा भइरहेका थिए ।