- १४ आश्विन २०८३, बुधबार / Sep 30, 2026
काठमाडौं । इजरायलमा भएको आतङ्कवादी हमलाको सरकारले निन्दा गरेको छ । इजरायल सरकार तथा त्यहाँका जनताका साथै हमलामा परी जीवन गुमाएकाहरूका परिवारप्रति परराष्ट्र मन्त्रालयले गहिरो सहानुभूति एवं समवेदना व्यक्त गरेको छ । नेपाल सरकारले घाइतेहरूको शीघ्र स्वास्थ्य लाभको कामना पनि गरेको छ ।
आतङ्कवादी आक्रमणमा केही नेपाली पनि परेका छन् । आक्रमणमा परेका नौ जना नेपालीमध्ये दुई जनाको अवस्था गम्भीर छ । यससम्बन्धी थप विवरण अद्यावधिक गरिने मन्त्रालयले जनाएको छ । इजरायलस्थित नेपाली दूतावासले आक्रमण प्रभावित क्षेत्रमा बसोबास गरेका नेपालीसँग निकट सम्पर्कमा रहेको जनाउँदै नेपालीको सुरक्षा तथा उद्धारका साथै घाइतेहरूको उपचारका लागि पनि इजरायली अधिकारीहरूसँग सम्पर्क र समन्वय गरिरहेको परराष्ट्रले बताएको छ ।
इजरायलको वर्तमान स्थितिलाई दृष्टिगन गरी त्यहाँ रहेका सबै नेपालीलाई सतर्क रहन तथा सम्बद्ध अधिकारीले दिएका सुरक्षा उपायको अक्षरसःपालन गर्न सरकारले अनुरोध गरेको छ । इजरायलस्थित नेपाली दूतावासको
टेलिफोनः +९७२(०)३५१६८०८५
राजदूत कान्ता रिजाल ९७२५४५८६४४२३
प्रथम सचिव अर्जुन घिमिरे +९७२५४५८६४४२३
इमेल embassy@012.net.il मा पनि सम्पर्क गर्न सरकारले अनुरोध गरेको छ ।
