- २६ भाद्र २०८३, शुक्रबार / Sep 11, 2026
काठमाडौं । प्रधानन्यायाधीश चोलेन्द्रशम्शेर जबराले बोलाएको न्यायपरिषद् बैठकमा सहभागी नहुन परिषद्का सदस्यहरुरूलाई नेपाल बार एशोसिएसन निर्देशन गरेको छ ।
जबराको राजीनामा माग्दै आन्दोलनरत एशोसिएसनले परिषद् सदस्यहरुलाई पत्र लेखेर बैठकमा सहभागी नहुन निर्देशन दिएको हो । न्यायपरिषद् बैठकमा उपस्थित नभई अवज्ञा गर्न पत्रमा अनुरोध गरिएको छ ।
बैठकबाट प्रधानन्यायाधीश जबराले थप विकृति, विसंगतिजन्य कार्य गर्ने, गर्न लगाउने आशंका रहेको एशोसिएसनको ठहर छ ।
मन्त्रिपरिषद् सदस्यको भागबण्डामा प्रधानन्यायाधीश जबरा मुछिएपछि एशोसिएसनले चरणबद्ध आन्दोलन गर्दै आएको छ ।
