- १ आश्विन २०८३, बिहीबार / Sep 17, 2026
काठमाडौं । १९ औं एसियाली खेलकूद प्रतियोगितामा पदक जित्न सफल खेलाडीलाई प्रधानमन्त्री पुष्पकमल दाहाल प्रचण्डले बधाईएका छन् । चीनमा आयोजित खेलकूद प्रतियोगितामा पदक जितेकाे बधाइ दिँदै आगामी दिनका लागि पनि शुभकामना दिएका छन् ।
प्रधानमन्त्री निवास बालुवाटारमा भएको भेटघाटमा प्रधानमन्त्री प्रचण्डले प्रतियोगितामा महिला सहभागिताको लागि आफूले बधाई दिएको उल्लेख गर्दै अहिले महिलाले नै मेडल ल्याएको र रेकर्ड बनाएको बताए ।
खेलाडीको प्रोत्साहनको लागि रकम दिने घोषणा गरी नियमावली पास गरेकामा आजको मन्त्रिपरिषदको बैठकले निकासाका लागि निर्णय गरेको जानकारी दिए । आगामी बजेटमा खेल क्षेत्रमा विशेष बजेटको व्यवस्था गर्ने प्रधानमन्त्री प्रचण्डले आश्वासन दिए । भेटमा खेलाडीहरुले प्रधानमन्त्री नै कार्यक्रमस्थलमा पुगेकोले आफूहूरु उत्साहित बनेको बताए ।
