पेस्तोल र ५ राउण्ड गोलीसहित काठमाडाैंबाट तीन जना पक्राउ

काठमाडौं । काठमाडौंको चोभारबाट एउटा पेस्तोल र त्यसमा लाग्ने ५ राउण्ड गोलीसहित प्रहरले तीन जनालाई पक्राउ गरेको छ । पक्राउ पर्नेमा मनोज बस्नेत, देवेन्द्र भण्डारी र सुमन खड्का छन् । महानगरीय अपराध अनुसन्धान महाशाखाकाले उनीहरुलाई पक्राउ गरेको पुष्टि गरेकाे हाे ।

‘बा १७ च ८३६४ नम्बरको गाडी चेकजाँच गर्ने क्रममा हतियारसहित पक्राउ परेका उनीहरुमाथि विस्तृत अनुसन्धान भइरहेको प्रहरीले बताएकाे छ । तीनै जनामाथि हातहतियार तथा खरखजना ऐन अन्तरगत कारबाही प्रक्रिया अघि बढाइने बताइएकाे छ ।