- १४ जेष्ठ २०८३, बिहीबार / May 28, 2026
काठमाडौं । प्रधान सेनापति महारथी प्रभुराम शर्मा र मित्रराष्ट्र चीनका महामहिम राजदूत हाउ यान्ची (Her Excellency Ms. Hou Yanqi) बीच जङ्गी अड्डामा भेटघाट सम्पन्न भएको छ ।
चीनका महामहिम राजदूतले आफ्नो कार्यकाल समापन गरी स्वदेश फिर्ता जान लागेको अवसरमा सो भेटघाट भएको जनसम्पर्क तथा सूचना निर्देशनालय जंङ्गी अड्डाले जनाएको छ ।
उक्त भेटघाटमा प्रधान सेनापति महारथी शर्माले महामहिम राजदूतले पूरा गरेको सफल कार्यकालको लागि बधाई दिँदै सुखद् भविष्यका लागि शुभकामना समेत दिए ।
यस किसिमको भेटघाटले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास लिएको नेपाली सेनाले जनाएको छ ।
