- १३ असार २०८३, शनिबार / Jun 27, 2026
काठमाडौं । सत्तारुढ गठबन्धनका शीर्ष नेताहरुले प्रधानमन्त्री शेरबहादुर देउवासँग भेटवार्ता गरेका छन् । बिहान माओवादी केन्द्रका अध्यक्ष ‘प्रचण्ड’ र एकीकृत समाजवादीका अध्यक्ष माधवकुमार नेपालबीच बालुवाटरमा छलफल भएको हो ।
छलफलका क्रममा स्थानीय तहको निर्वाचनका विषयमा छलफल भएको छ । स्थानीय तहको निर्वाचनको सन्दर्भमा ऐन संशोधन गर्ने विषयमा छलफल भएको स्रोतको भनाइ छ ।सोही विषयमा छलफल गर्न शनिबार सत्ता गठबन्धनको बैठक बोलाइएको छ ।
यसअघि शुक्रबार प्रधानमन्त्री देउवाले राष्ट्रपति विद्यादेवी भण्डारीसँग समेत भेटघाट गरेका थिए । स्थानीय तहको निर्वाचनका विषयमा नेपाली कांग्रेसले केन्द्रीय समितिको बैठक समेत आह्वान गरेको छ । दिउँसो ३ बजे कांग्रेस केन्द्रीय समिति बैठक बस्दैछ ।
