- १६ असार २०८३, मंगलवार / Jun 30, 2026
काठमाडौं । कोभिडका कारण देशभर धर्ना, जुलुस, गोष्ठी सेमिनार गर्न बन्देज छ । तर, राजावादी भन्नेहरुले सडकमा प्रदर्शन जारी राखेका छन् । संविधानको मूल मर्म र भावना खारेजीको माग गर्दै उनीहरु सलवलाएका हुन् ।
०६२–६३ को क्रान्तिका मुख्य उपलब्धि गणतन्त्र, संघीयता र धर्मनिरपेक्षतामाथि धावा बोल्दै पुरातनवादीहरु चरणबद्ध प्रदर्शन गरिरहेका छन् । देशका मुख्य शहर धनगढी, जनकपुर, बुटवल, पोखरा, विराटनगरमा फरक फरक ब्यानरमा प्रदर्शन गरेका छन् ।
गणतन्त्र खारेज गरी राजतन्त्र फर्काउने मुख्य उदेश्य राखेर धर्मनिरपेक्षता हटाएर हिन्दूराष्ट्र कायम गर्ने र संघीयता खारेज गर्ने बताएका छन् । उपत्यकामा प्रदर्शन गरेपछि प्रशासनले आन्दोलनकारी माथि निगरानी बढाएको छ । १२ वर्षपछि खोला फर्कन्छ भन्ने मान्यतामा राजावादीहरु सलबलाउ थालेको नागरिहरुको गुनासो छ ।
