- ७ भाद्र २०८३, आईतवार / Aug 23, 2026
काठमाडौं । नेपालमा कोरोना महामारी नफैलिने आकलन गरेर बिमामा ‘जुवा’ खेलेका कम्पनीहरु यतिबेला चलाकी गर्न थालेका छन् । बिमा कम्पनीहरुले संक्रमण लागेको पुष्टि भएसँगै १ लाख रुपैयाँ र ५० हजार रुपैयाँ पाउने गरी दुईवटा पोलिसी बिक्री गर्न थालेपछि त्यसमा ब्यापक जनआकर्षण देखियो ।
बिमा गरेका हजारौं व्यक्तिहरु संक्रमित भएपछि अहिले बिमा रकम भुक्तानी गर्न कम्पनीहरु आनाकानी र बहानावाजी गरिरहेका मात्रै छैनन् उनीहरुलाई सकस नै परेको छ । अर्थमन्त्रालयले भूक्तानीका लागि निर्देशन दिएपनि कम्पनीहरुले असफल गाईदिएका छन् । समय लाग्ने भन्दै कम्पनीहरुले टाल्ने काम गरिरहेको पीडितहरु बताउछन् ।
संक्रमित भएका सञ्चारकर्मी सुजन ढुंगाना पनि हालसम्म भुक्तानी पाउन नसकेको गुनासो गर्छन । उनले युनाइटेड इन्स्योरेन्समा बिमा गरेको बताए । विष्णुप्रसाद पौडेल अर्थमन्त्री भएलगत्तै ७ दिनभित्रै बिमा रकम भुक्तानी दिन निर्देशन दिएका थिए । त्यो निर्देशन बिमा कम्पनीहरुले कार्यान्वयन गरेनन् । हजारौं बिमितहरु अझै पनि आशमै बसिरहेका छन् ।
निजी ल्याबमा गरिएको परीक्षणको रिपोर्ट आधिकारिकता पुष्टि गरेर मात्रै भुक्तानी गर्ने भनेर रोकिएको छ । अहिले भुक्तानी नपाउनेको ठूलो संख्या निजी ल्याबकै परीक्षणवालाहरुको रहेका छन् ।
