- १८ भाद्र २०८३, बिहीबार / Sep 3, 2026
म्याग्दी । कालीगण्डकी करिडोरको बेनी–जोमसोम थासाङ खण्ड आइतबारदेखि दैनिक चार घण्टा बन्द हुने भएको छ ।
मुस्ताङको थासाङ गाउँपालिका–४ मा रहेका काभ्रे र बादरजुङ भीरको कडा चट्टान काटेर सडक स्तरोन्नती गर्नका लागि फागुन १५ गतेसम्म सडक बन्द हुने भएको हो ।
बेनी–जोमसोम खण्ड मुस्ताङको थासाङ गाउँपालिकामा सडक चक्लाबन्दी गर्न लागिएका कारण बन्द गर्ने निर्णय गरिएको मुस्ताङका सहायक प्रमुख जिल्ला अधिकारी रामचन्द्र ढकालले बताए ।
आगामी फागुन १ देखि फागुन १५ गतेसम्म सडक दैनिक बन्द गर्ने निर्णय गरेको सहायक प्रमुख जिल्ला अधिकारी ढकालले बताए। कालीगण्डकी करिडोरको बेनी–जोमसोम सडक खण्ड मुस्ताङलाई सडक मार्गबाट जोड्ने एक मात्र सडक हो ।
बादरजुङ भीरको कडा चट्टानलाई नेपाली सेनाले विस्फोटक पदार्थ प्रयोग गरी सडक चौडा गर्ने काम भएकाले बिहान १० बजेदेखि दिउँसो ४ बजेसम्म सडक अवरुद्ध हुने भएको उहाँले जानकारी दिए ।
