- १४ श्रावण २०८३, बिहीबार / Jul 30, 2026
महोत्तरी । नेकपा माओवादी केन्द्रका उपमहासचिव गिरिराजमणि पोखरेल महोत्तरी १ बाट पराजित भएका छन् । पोखरेललाई एमालेका लक्ष्मी महतो कोइरीले पराजित गरेका हुन् ।
प्रारम्भिक मतगणनामा अग्रता लिँदै आएका पोखरेललाई पछिल्लो चरणमा एमाले उम्मेदवारले पछि पारे । कोइरीले २३ हजार ४ सय २ मत पाएका छन् भने पोखरेलले २२ हजार ३ सय ७३ मत पाए ।
२०६४ सालदेखि पोखरेल यसै निर्वाचन क्षेत्रबाट लगातार निर्वाचित हुँदै आएका थिए ।
२०६४ सालमा भएको संविधानसभा सदस्यको निर्वाचनबाट पहिलोपटक संसद छिरेका उनी २०७० र २०७४ मा सोही निर्वाचन क्षेत्रबाट निर्वाचित भएका थिए ।
संसदीय यात्राको १५ वर्षपछि पोखरेल पराजित भएका हुन् ।
