मादक पदार्थ सेवन गर्ने चालक कारबाहीमा

काठमाडौं । ट्राफिक प्रहरीले मादक पदार्थ सेवन गरी सवारीसाधन चलाउने दुई सय ४८ चालकलाई कारबाही गरेको छ । नियमित चेकजाँचका क्रममा उनीहरूलाई कारबाही गरेको हो ।

त्यसमध्ये सातजना विद्यार्थीसमेत छन् ।बिहान पाँच बजेदेखि आठ बजेसम्मको चेकजाँचका क्रममा उनीहरूलाई कारबाही गरिएको हो । जसमा मापसे गर्ने तीन बसचालक छन् ।

नयाँबसपार्क क्षेत्रबाट बा ३ ख १००३ नम्बरको बसचालक, बा।१ज ८१८१ नम्बरको माइक्रो बसका चालक र दरबारमार्ग क्षेत्रबाट बा।४ख ८०५९ नम्बरको ट्रकचालकलाई मापसे गरी सवारीसाधन चलाएको कसुरमा ट्राफिक प्रहरीले कारबाही गरेको हो ।